20 An God sayed, Lat the watters be hotchin wi leevin things, an lat birds flee ower the yird unner the airch o heaven.

21 An God made muckle sea beasts, an ilka kin o leevin an muivin thing that the watters wus fu wi, an ilka kin o weengit bird: an God seen that it wus guid.

22 An God gien thaim his sainin, sayin, Be growthy an hae eiken, makkin aa the watters o the seas fu, an lat the birds be eikit ower the yird.

23 An the war forenicht an there war forenuin, the fift day.